Azərbaycanda məcburi köçkünlər üçün yeni qəsəbələrin salınması üzrə müvafiq layihələndirmə işləri başa çatıb. Bu barədə Movqe.az-a məlumatı Qaçqın və Məcburi Köçkünlərin İşləri üzrə Dövlət Komitəsinin mətbut xidmətinin rəhbəri Elçin Qədimov verib. E. Qədimov bildirib ki, müvafiq layihələndirmə işlərinə əsasən Tərtərdə, Şirvan şəhərində, Bakının Kürdəxanı qəsəbəsində salınacaq böyük yaşayış massivlərinin layihələri hazırlanıb. Komitə səlahiyyətlisi Qobu qəsəbəsində salınacaq böyük yaşayış massivinin layihələndirmə işlərinin isə, bu ilin sonunadək başa çatdırılacağını söyləyib.