"Bir dəfə Fatimə ilə cəbhə bölgəsinə getmişdik. Qayıdanda gördüm ki, gözündən yaş sel kimi axır, gözünün qarası da yayılıb. Orda xətrinə dəymişdim".
Movqe.az-ın məlumatına görə, bu sözləri prodüser Tarix Əliyev (Tolik) "Hər şey daxil" verilişində deyib.
O, rəqqasə Fatimə Fətəliyeva ilə tez-tez dava etdiyindən danışıb:
"Maşına oturanda deyir, mən bu avtomobillə getmirəm. Qucaqladım, könlünü aldım. Onu həqiqətən çox istəyirəm. Anası hərdən nəsə olanda yığıb deyir ki, mənim qızım şou-biznesdə o biri müğənnilər kimi deyil. Qızım sakitdi, həyasız deyil, sənə cavab versin.
Hətta bir dəfə Amerikaya getmişdik. Öldürdü məni ki, şəklimi çək. Hara gedirik foto çəkdirir. Acıqlandım ki, mən bura sənə fotoqraf gəlmişəm? Orada da onunla dava etmişdim"./axşam.az/