7 min kilometr yol gəldi və tanımadığı uşağın həyatını xilas etdi - FOTOLAR
8 İyun 2016 20:00 (UTC+04:00)
Artıq 13 yaşlı Mahendra bir ingilis qadının köməyi
ilə dostları ilə rahat vaxt keçirə bilir.
Hindistanın Delhi şəhərində yaşayan 13 yaşlı
Mahendra Ahirwarın boynu anadangəlmə 180 dərəcə əyridir. Bu yaşına
qədər 50 dən çox həkimə göstərilən Mahendraya heç kim kömək edə
bilmədi. Ta ki, həyatına heç tanımadığı Julie Jones girənə
qədər...
Xarici görünüşü ilə insanlardan uzaq gəzən bu
uşağa Liverpoolda yaşayan Julie adlı bir qadın əl uzadıb. Julie
Jones uşağın müalicəsi üçün təxminən 170 min dollar pul
toplayıb.
41 yaşlı ata Mukesh Ahirwar və 36 yaşlı ana
Sumitra Ahirwar illərlə müalicə üçün pul xərclədilər. Lakin heç bir
nəticə əldə olunmadı. Julie Jones isə uşağın və onun ailəsinin
həyatını dəyişə bildi. Hindistanda məşhur cərrah sayılan həkim
Rajagopalan Krishnan 13 yaşlı uşağı əməliyyat edə biləcəyini
bildirdi.
Həkimlə danışıqlardan sonra Delhiyə uçan Julie,
əməliyyatın pulunu ödəyib. Əməliyyatın uğurla bitməsindən sonra isə
sevinc gözyaşları axıb. Mətbuata açıqlama verən Julie bir uşağın
həyatını xilas etdiyi üçün çox xoşbəxt olduğunu
deyib.
Artıq 13 yaşlı Mahendra bir ingilis qadının köməyi
ilə dostları ilə rahat vaxt keçirə bilir, onlarla oyun oynayır,
həmçinin təhsilini davam etdirir./bizimyolinfo/