Balacaboy cütlüyün böyük sevgisi - fotolar
11 İyun 2016 12:30 (UTC+04:00)
Braziliyalı
Paulo Qabriel da Silva Barros və Kathusia Hoshino dünyanın ən qısa
boylu adamıdır. Buna baxmayaq cütlük dünyanın ən böyük sevgisini
yaşayır.
Movqe.az xarici mətbuata istinadən xəbər verir ki, 88 sm boyu
olan 30 yaşlı Barrosla 89 sm boyu olan 28 yaşlı Hoshino ölkələrinin
gündəmində əsas mövzuya çevriliblər. Onlar 10 il əvvəl sosial media
vasitəsilə tanış olublar. Barros, "Hoshinonu ilk gördüyüm anda aşiq
oldum" deyə, bildirib.
Kathusia isə bunun əksini söyləyib. O, sevgilisini ilk görəndə
əsəbləşdiyini və ona sosial şəbəkədə izləmə qadağası qoyduğunu
söyləyib. Nifrətlə başlayan sevgi gün keçdikcə daha da böyüyüb.
Hoshinonun nifrətini sevgiyə döndərən "balacaboy qəhrəman"
kilometrlərlə yol qət edərək, K.Hoshinonu axtarıb tapıb. Onun
yaşadığı qəsəbəyə gələn Barros sevgisini bu dəfə sosial şəbəkədən
deyil, üzünə qarşı söyləyib. Gənc xanım sevgi etirafına qarşılıq
göstərib. Bir müddət görüşən sevgililər, daha sonra birlikdə
yaşamağa qərar veriblər. İndi isə onlar evləniblər. Yaxın illərdə
bu sevgidən övladlarının dünyaya gələcəyini arzu edirlər.