Movqe.az xarici axşam.az-a istinadən xəbər verir ki, 25 yaşlı Garrett Gee özündən 4 yaş böyük arvadı Jessica və uşaqları - 3 yaşlı Dorothy və 1 yaşlı Manilla ilə birlikdə xəyal etdiyi tətili gerçəkləşdirib. Şans bu ailənin üzünə ötən ilin sentyabrında gülüb. Garrett Gee mobil telefonu üçün yaratdığı yeniliyi "Snapchate" şirkətinə satıb və bunun müqabilində 54 milyon dollar qazanıb. Ailə başçısı illərdir arzusunda olduğu dünya səyahətini qazandığı pulların sayəsində gerçəkləşdirə bilib. Gee və arvadı uşaqlarını yanlarına alaraq, Tonqa, Yeni Zellandiya, Avstraliya, Tailand və bir çox ölkələri gəzməyə davam edir. Səyahət zamanı cütlük çəkdirdikləri maraqlı fotoları İnstaqram və Youtube kanalında yaratdıqları "The Bucket List Family" səhifəsindən paylaşırlar.
İndi bütün dünya onların qazandığı puldan və qeyri-adi səyahətindən danışır.
