Xanım idmançımızda dopinq tapıldı

16 İyun 2016 10:10 (UTC+04:00)

Azərbaycanın daha bir idmançısında dopinq aşkarlanıb. AzVision.az xəbər verir ki, Beynəlxalq Ağırlıqqaldırma Federasiyası 2012-ci il London Yay Olimpiya Oyunlarında dopinq-testi müsbət nəticə verən atletlərin siyahısını açıqlayıb.Həmin idmançılar arasında Azərbaycanın ağırlıqqaldıranı Boyanka Kostova da var. Federasiyanın yaydığı məlumata görə, idmançıda dehidroxlorometiltestosteron və stanozolol anabolik preparatları aşkarlanıb.

Qeyd edək ki, Boyanka Kostova "London-2012"də 5-ci yeri tutub. O, dünya (2015) və 3 qat Avropa (2012, 2015, 2016) çempionudur. Onun 2016-cı il Rio-de-Janeyro Yay Olimpiya Oyunlarında itirakı hələ təsdiqlənməyib.