Azərbaycanda sərin hava şəraiti yaxın 2-3 gün ərzində davam edəcək.
Bunu Movqe.az-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev deyib.
Onun sözlərinə görə, yaxın 2-3 gün ərzində havanın temperaturunda ciddi dəyişiklik olmayacaq. Lakin həmin müddətdə rayonların bəzi yerlərində şimşək çaxacağı, yağış yağacağı gözlənilir. Yağışın arabir leysan xarakterli intensiv olacağı proqnozlaşdırılır.