Azərbaycan BMT-ninƏrzaq və Kənd Təsərrüfatı Təşkilatında (FAO) donor dövləti kimi çıxış edəcək. Bu barədə kənd təsərrüfatı naziri İsmət Abasov bildirib. Onun sözlərinə görə, Azərbaycan donor dövləti kimi FAO-nunüzvü olan aztəminatlı ölkələrə maliyyə və texniki dəstək, eləcə də tövsiyələr verəcək.
"Əgər əvvəllər aztəminatlı ölkələrdə kənd təsərrüfatı sahəsində layihələri FAO tərəfindən maliyyələşdirilirdisə, bundan sonra Azərbaycan da bu prosesə qoşulacaq. Bunun üçün əsas şərt həmin layihələrin Azərbaycanı qane etməsidir" - deyə nazir qeyd edib.