Terror hücumları böyük şəhərlərin ayrılmaz hissəsidir. Movqe.az “İndependent” nəşrinə istinadən xəbər verir ki, bu açıqlama ilə Londonun ilk müsəlman meri Sadiq Xan çıxış edib. O, londonluları bu kimi hücumlara qarşı sayıq olmağa çağırıb və ölənlərin yaxınlarına başsağlığı verib.
Merin bu sözləri sosial şəbəkələrdə böyük etirazla qarşılanıb.
Xatırladaq ki, bu gün Britaniya Parlamentinin yaxınlığında atışma baş verib, ərazidəki polislərdən biri bıçaqlanıb və həlak olub. Hazırda 4 nəfərin dünyasını dəyişdiyi, 20 nəfərin yaralandığı haqda məlumat var.