Əkrəm Əylislinin oğlu işdən çıxmasına aydınlıq gətirdi
6 Fevral 2013 12:09 (UTC+04:00)
Dövlət Gömkük Komitəsi DGK-nin Əkrəm Əylislinin oğlunun- gömrük
polkovnik-leytenantı Nəcəf Naibovun işdən çıxarıldığı barədə
yayılan xəbərin doğru olduğunu təsdiqləyib. Komitənin mətbuat
xidmətindən Movqe.az-a bildirdilər ki, ki, DGK-nın
Maliyyə, Taarif və Valyuta Nəzarəti Baş İdarəsinin aksiz
şöbəsinin rəisi Nəcəf Naibov özü könüllü şəkildə ərizə
yazaraq işdən çıxıb. N. Naibov isə işdən öz ərizəsi ilə
çıxdığını təsdiqləsə də, buna əsasın olduğunu gizlətmədi: "Mən 12
il dövlətə xidmət göstərmişəm. Gömrük sistemində işlədiyim vaxt
işimdəki nöqsana görə, heç vaxt töhmət almamışam. İndi siz özünüz
fikirləşin, işlərim qaydasında getdiyi halda, işimdə hər hansı
nöqsana yol vermədiyim halda, işdən niyə könüllü ərizə yazıb
çıxardım ki? Deməli nəsə əsas olub ki, çıxmışam. Amma mən bu işlərə
qarışmaq istəmirəm. Ağsaqqal (atası Əkrəm Əylislini nəzərdə tutur)
nə yazıb özü bilər".
Sizə işdə atanızın yazdığı "Daş Yuxular"a görə, təyziq, hər hansı
formada kinayə, təsir edən olubmu? sualımıza- N. Naibov belə cavab
verdi: "Mən heç nə danışmaq istəmirəm. Siz bu məsələdə nə
fikirləşirsiniz? Bu dönəmdə mənim işdən öz ərizəmlə çəxmağımın
səbəbi nə olar sizcə? Düzdür ərizəni özüm yazmışam. Amma duran
yerdə də bu qərarı niyə verərdim ki? Nəysə".