Axtarışda olan şəxs Bakıda silahla tutuldu
Paytaxtda axtarışda olan şəxs saxlanılıb.
“Report”un xəbərinə görə, hadisə paytaxtın Xətai rayon ərazisində qeydə alınıb.
Belə ki, Xətai Rayon Polis İdarəsinin (RPİ) 34-cü Polis Şöbəsi və 35-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 180-ci (soyğunçuluq) maddəsi ilə axtarışda olan, 1970-ci il təvəllüdlü Nürəddin Abıyev tutulub.
Axtarış zamanı ondan 1 ədəd kustar üsulla hazırlanan tapança, 1 ədəd bıçaq və 1 ədəd patron aşkar olunaraq götürülüb.
Faktla bağlı araşdırma aparılır.