Bakıda qadına qarşı soyğunçuluq edildi
Bakıda soyğunçuluq hadisəsi baş verib.
Mövqe.az-ın xəbərinə görə, hadisə fevralın 24-də, saat 16 radələrində paytaxtın Nizami rayon ərazisində qeydə alınıb.
Belə ki, A.Mustafayev küçəsi, ev 14 ünvanında yerləşən binanın girişində naməlum şəxs 1950-ci il təvəllüdlü Qayaxanım Cavadovanın içərisində 42 manat olan əl çantasını oğurlayaraq hadisə yerindən uzaqlaşıb.
Faktla bağlı Nizami Rayon Polis İdarəsində Cinayət Məcəlləsinin 180.2.4-cü (soyğunçuluq) maddəsi ilə cinayət işi başlanılıb, ibtidai istintaq aparılır.