Azərbaycan Texniki Universitetinin (AzTU) tələbə-rektoru Əli Abdullazadə instagram platforması üzərindən canlı yayımda tələbələrin suallarını cavablandırıb. Təxminən bir saata yaxın davam edən görüşdə tələbələrin yay imtahan sessiyası, kəsirlərin həlli, icmal dərslərin və yay məktəbinin vaxtı ilə bağlı suallarına aydınlıq gətirilib. Tələbə-rektor belə görüşlərin mütəmadi olaraq keçiriləcəyini bildirib. Qeyd edək ki, tələbə-rektor ona verilən səlahiyyətlər daxilində AzTU-da təhsil alan tələbələrin maraqlarını təmsil edir.