Vətəndaşlarımız Təbrizdəki Baş Konsulluğa təhvil verilməyib
Təbrizdə saxlanmış Azərbaycan vətəndaşları Xalidə Xalid və Şamxal Hüseynov hələ də Azərbaycan tərəfinə təhvil verilməyib.
Bu barədə Azərbaycan Xarici İşlər Nazirliyinin mətbuat xidmətinin rəhbəri Elman Abdullayev bildirib.
"Təəssüf ki, vətəndaşlarımız hələ də Azərbaycanın Təbrizdəki Baş
Konsulluğuna təhvil verilməyib. Baş Konsulluğumuz vəziyyəti
aydınlaşdırmaq üçün İran tərəfi ilə təmasları davam etdirir".
Xatırladaq ki, Xalidə Xalid və Şamxal Hüseynov aprelin 30-da
Təbrizdə saxlanıb. Azərbaycan tərəfinin verdiyi iki notadan sonra
İran Xarici İşlər Nazirliyi soydaşlarımızın qanunsuz fəaliyyətə
görə saxlandığını açıqlayıb. Bu həftə isə İran tərəfi Xalidə Xalid
və Şamxal Hüseynovun azad ediləcəyini açıqlayıb.