Mərkəzi Afrika ölkəsi - Konqo Demokratik Respublikasında gün ərzində 1100-dən artıq qadının təcavüzə uğradığı bildirilir. "Amerika Xalq Sağlamlığı" jurnalında dərc olunan məlumata əsasən BMT bu ölkədə son bir ildə zorlanan qadınların sayının 15 min nəfər olduğunu açıqlayıb. Ancaq bu, sadəcə rəsmi rəqəmlərdir. Əgər buraya qeyri-rəsmiləri, yəni damğalanmaq, günahkarların cəzasız qalmaları, utancaqlıq hissi keçirən qurbanları da əlavə etsək, o zaman ortalama bu ölkədə gün ərzində 1100-dən artıq qadının cinsi təcavüzə məruz qaldığının şahidi ola bilərik. 

İnsan Haqları İzləmə Təşkilatına görə, ölkədə cinsi zorakılıq hadisələrinin 2011-2012-ci ildən bu yana iki qat artıb.