Tək uşaqlı ailələrin övladı yenidən hərbi xidmətdən azad oluna bilər
Azərbaycanda tək uşaqlı ailənin övladı yenidən hərbi xidmətdən azad
oluna bilər. Milli Məclisdən APA-ya verilən məlumata görə, bir qrup
deputat bu təşəbbüslə çıxış edib. Bir qrup deputatın təklifi ilə
bununla əlaqədar olaraq "Hərbi xidmət keçmə haqqında" qanuna
dəyişikliklərin müzakirəsi gözlənilir. Təklif parlamentin yaz
sessiyasında müzakirəyə çıxarıla bilər. Dəyişiklik qəbul olunarsa,
bu, ailədə yalnız tək olan övlada şamil olunacaq. Qeyd edək ki, bu
hal Azərbaycanda əvvəllər mövcud olsa da, 2008-ci ildə qeyd olunan
qanuna edilən dəyişiklikdən sonra ailənin tək övladı da artıq hərbi
xidmətə cəlb olunur. Məsələ münasibət bildirən parlamentin
Təhlükəsizlik və müdafiə komitəsinin üzvü Zahid Oruc APA-ya
bildirib ki, bir sıra millət vəkili bu məsələnin tərəfdardır:
"Lakin şəxsən mənim mövqeyim ondan ibarətdir ki, qanuna bu
kontekstdə dəyişiklik edildiyi halda ailənin tək övladlarının arxa
cəbhədə xidmətini təşkil etmək lazımdır, nəinki birdəfəlik
xidmətdən azad etmək. Çünki ailə planlaşmasına nəzər salsaq,
Azərbaycanda on minlərlə ailədə tək övladlılıq mövcuddur. Eyni
zamanda tək övladın hərbi xidmətdən azad olunması bir çox ailələrə
stimul verə bilər ki, gələcəkdə tək övlada üstünlük versinlər".
Millət vəkili bildirir ki, istənilən halda bu məsələnin müvafiq qurumlar tərəfindən ciddi araşdırılmasına və sonra geniş müzakirəsinə ehtiyac var. Qeyd edək ki, ötən həftə hərbi xidmət zamanı ölən əsgər Ceyhun Qubadov da ailənin tək övladı olub.
Millət vəkili bildirir ki, istənilən halda bu məsələnin müvafiq qurumlar tərəfindən ciddi araşdırılmasına və sonra geniş müzakirəsinə ehtiyac var. Qeyd edək ki, ötən həftə hərbi xidmət zamanı ölən əsgər Ceyhun Qubadov da ailənin tək övladı olub.