Məlumdur ki, Azərbaycanda sahibkarlığın inkişafı ilə bağlı Sahibkarlığa Kömək Milli Fondu fəaliyyət göstərməkdədir. İl ərzində bu fond kiçik və orta sahibkarlara təxminən 130 milyon manat vəsait paylayır. Bu fəaliyyət çox müsbət haldır. Amma fondun verdiyi kreditlər o qədər də ürəkaçıcı deyil. Kreditlər var ki, onların qiyməti 3 - 5 milyondur. Kiçik sahibkarlar isə bunu ödəmək və idarə etmək qüvvəsində deyillər. Xarici təcrübədə görürük ki, sahibkarlara yardım fondlarında əsas prioritet və hədəf, kiçik və orta sahibkarlardır. Böyük sahibkarlar onsuz da bu yerə çatanadək kiçik və orta sahibkarlıq formasından keçiblər. Bundan başqa, Azərbaycanda başlanğıc kreditlər yoxdur. Mütləq sahibkar nəsə girov qoymalıdır. Amma Azərbaycanda başlanğıc kreditləri təmin olunmalıdır. Məsələn, ABŞ-da bu istiqamətdə sahibkarlara kömək üçün Kiçik Sahibkarlıq İdarəsi xətti ilə 15 cür kreditlər təklif olunur. Burada həmçinin vergi güzəştlərinin də rolu vacib məsələdir. Hansı ki, vergi güzəştləri hüquqi və fiziki şəxsin dövriyyəsinə uyğun formalaşdırırlır. Bu gün Azərbaycanda sadələşdirilmiş vergi tətbiq edilir ki, bu da Bakı şəhərdinə kiçik və orta sahibkarlar üçün 4, regionlarda isə 2 % dir. Amma kiçik və orta sahibkarlğın inkişafı üçün sadələşdirilmiş vergi sistemin tətbiqi müsbət haldır. Sadələləşdirilmiş vergi sistemi kiçik və orta sahibkarları, ən azından əlavə dəyər vergisindən (ƏDV) azad edir. Yəni, sahibkar artıq bir vergi ödəyir. Bu baxımdan o, kiçik və orta sahibkarlığın inkişafını sürətləndirən və stimullaşdıran amillərdən biridir. Bundan başqa, yerli və xarici kiçik və orta sahibkar arasında tədbirlər, konfranslar təşkil olunmalı, sahibkarların xarici təcrübədən istifadə etməsinə şərait yaratmalı, sahibkarlar arasında şəbəkələşmə üzrə təlimlər keçirilməlidir.