Əlaqə Arxiv
news Image
2018.10.09
10:47
| A A A
Almaniyanın "Cənub Qaz Dəhlizi" layihəsinə vəsait ayırması məsələsi bu ilin sonuna qədər həll olunacaq

 "Cənub Qaz Dəhlizi" layihəsində Azərbaycanın iştirak payının maliyyələşdirilməsi üçün Almaniyanın 1,5 mlrd. dollar məbləğində vəsait ayırması məsələsinin bu ilin sonuna qədər həll olunacağı gözlənilir.

Movqe.az xəbər verir ki, bunu Azərbaycan Dövlət Neft Şirkətinin (SOCAR) Sərmayələr və marketinq üzrə vitse-prezidentinin müavini Vitali Bəylərbəyov Bakıda keçirilən Azərbaycanda Enerji və İKT üzrə Alman-Azərbaycan Biznes forumundakı çıxışında bildirib.

O qeyd edib ki, maliyyələşmə ilə bağlı danışıqlar aparılıb, razılıq əldə edilib: "2018-ci ilin sonuna maliyyələşmə ilə bağlı məsələnin yekunlaşacağına ümid edirik".

"Cənub Qaz Dəhlizi" QSC-nin baş direktoru Əfqan İsayev daha əvvəl bildirmişdi ki, "Şahdəniz" və TANAP üçün 1,5 mlrd. dollara qədər vəsait üçün Almaniyanın "Hermes" agentliyi ilə danışıqlar aparılır.

Xatırladaq ki, "Cənub Qaz Dəhlizi" layihəsinin məqsədi "Şahdəniz 2" layihəsini həyat keçirmək, bu zaman hasil ediləcək təbii qazın genişləndirilən Cənubi Qafqaz Qaz Boru Kəməri və yeni tikilən TANAP və TAP vasitəsi ilə Türkiyə və Cənubi Avropaya ixracını təmin etməkdir.

Qeyd edək ki, Almaniyanın Azərbaycandakı səfiri Mixael Kindsqrab ölkəsinin Milli Birlik günü münasibətilə Bakıda keçirilən rəsmi qəbulda jurnalistlərə bildirib ki, iki ölkə arasında iqtisadi əlaqələri də çox yüksək qiymətləndirilir, Almaniya "Cənub Qaz Dəhlizi" layihəsinə dəstək verir.

"Report" 

Sizin Reklam Yeriniz