Movqe.az xəbər verir ki, Dünya Bankı tərəfindən hazırlanan bir hesabatda, Orta şərq və Şimali Afrikanın iqlim dəyişikliyindən ən çox təsirlənəcək bölgələrdən biri olduğu bildirilib. Qatarın paytaxtı Dohada təşkil edilən BMT-nin iqlim dəyişikliyi konfransına təqdim edilən hesabatda, Orta şərq və Şimali Afrikada gələcək illərdə daha az yağış olacağı, istiliklərin və dəniz səviyyəsinin rekord səviyyədə yüksələcəyi bildirilib. Hesabatda, istiliyin daha da artması vəziyyətində bölgədə ən çox su və məhsul qıtlığı çəkiləcəyi vurğulanıb, bu çərçivədə əsas xidmətlərin iqlim məlumatlarını əsas götürərək gücləndirilməsi lazım olduğuna işarə olunub. Dünya Bankı səlahiyyətlilərindən İnger Andersen, etdiyi şərhdə, "İqlim dəyişikliyi Ərəb ölkələrindəki insanlar üçün bir həqiqətdir" deyərək, bu mövzuda milli və regional səviyyədə tədbirlər görmək vaxtının gəldiyini bildirib.