Slavyan Universitetində 20 Yanvar faciəsinin qurbanları yad edildi
20 Yanvar faciəsinin iyirmi üçüncü ildönümünün keçirilməsi
ilə əlaqədar olaraq Azərbaycan Respublikası Təhsil Nazirinin
müvafiq əmrinə əsasən Bakı Slavyan Universitetində geniş
tədbirlər planı hazırlanıb. Bu barədə məlumatı Movqe.az-a BSU-nun
mətbuat xidməti verib.Məlumata görə, bu tədbirlər planı
çərçivəsində universitetin müəllim və tələbələrinin, Məktəb-Lisey
Kompleksi şagirdlərinin Şəhidlər Xiyabanına ziyarəti təşkil
edilmiş, Məktəb-Lisey kompleksində Qanlı Yanvar faciəsinə həsr
olunmuş xüsusi dərslər, fakültələrin Tələbə Gənclər Təşkilatlarında
və Kölgə Kabinetində 20 Yanvar hadisələrinə həsr olunmuş
toplantılar keçirilib. Bundan başqa, "Heydər Əliyev məktəbi" Tələbə
Teleradiostudiyasında 20 Yanvar faciəsinə həsr olunmuş radioveriliş
hazırlanmış və yayımlanmış, Məktəb-Lisey Kompleksində şagirdlərin
20 Yanvar hadisələri haqqında inşa və divar qəzetləri müsabiqəsi
təşkil edilmiş, fotostend hazırlanıb. Həmçinin, Moskva Dövlət
Linqvistik Universitetində (Rusiya), M.Tank adına Belarus Dövlət
Pedaqoji Universitetində (Belarus) və Poltava İqtisadiyyat və
Ticarət Universitetində (Ukrayna) BSU tərəfindən yaradılmış
tədris-mədəniyyət mərkəzlərində də 20 Yanvar faciəsinə həsr olunmuş
tədbirlər keçirilib.18 yanvar 2012-ci il tarixində YAP Gənclər
Birliyinin təşkilatçılığı ilə keçirilən tədbir xüsusilə fərqləndi.
Vətənin azadlığı və mübarizəsi yolunda canından keçmiş şəhidlərin
əziz xatirəsi bir dəqiqəlik sükutla yad edildikdən sonra tədbiri
giriş sözü ilə açan BSU-nun tərbiyə işlər üzrə prorektoru dos.
O.Səmədov 20 yanvar hadisələrindən ürəkağrısı ilə danışdı:
"20 Yanvar Azərbaycan xalqının tarixinə qanla yazılmış səhifələrdən
biridir. O müdhiş gecə tariximizə təkcə faciə kimi yox, həm də
Azərbaycan xalqının mübarizlik, qəhrəmanlıq günü kimi daxil olub.
Azərbaycan xalqı 20 Yanvarda hərbi, siyasi və mənəvi təcəvüzə məruz
qalsa da, öz tarixi qəhrəmanlıq ənənələrinə sadiq olduğunu, vətənin
azadlığı və müstəqilliyi naminə ən ağır sınaqlara sinə gətmək,
hətta şəhid vermək əzmini bu gecə bütün dünyaya nümayiş
etdirdi."
Azərbaycan tarixi və ictimai elmlər kafedrasının dosenti C.Beydullayev öz çıxışında 1990-cı il yanvarın 19-dan 20-nə keçən gecə Sovet silahlı qüvvələrinin Azərbaycan xalqına qarşı törətdiyi bu vəhşi və qəddar hadisələrdən danışdı və bildirdi ki, Azərbaycanın müstəqilli uğrunda canlarını fəda etmiş 20 Yanvar şəhidlərinin xatirəsi xalqımızın ümummilli lideri Heydər Əliyev tərəfindən daim əziz tutulmuş, qanlı hadisələrə ilk dəfə hüquqi-siyasi qiyməti də məhz ulu öndər verib. Tədbirin sonunda 20 Yanvar hadisələrinə həsr olunmuş film nümayiş olunub.
Azərbaycan tarixi və ictimai elmlər kafedrasının dosenti C.Beydullayev öz çıxışında 1990-cı il yanvarın 19-dan 20-nə keçən gecə Sovet silahlı qüvvələrinin Azərbaycan xalqına qarşı törətdiyi bu vəhşi və qəddar hadisələrdən danışdı və bildirdi ki, Azərbaycanın müstəqilli uğrunda canlarını fəda etmiş 20 Yanvar şəhidlərinin xatirəsi xalqımızın ümummilli lideri Heydər Əliyev tərəfindən daim əziz tutulmuş, qanlı hadisələrə ilk dəfə hüquqi-siyasi qiyməti də məhz ulu öndər verib. Tədbirin sonunda 20 Yanvar hadisələrinə həsr olunmuş film nümayiş olunub.