Gəncədə döyülmə faktı qeydə alınıb.

APA-nın qərb bürosunun verdiyi məlumata görə, şəhər sakini, 1987-ci il təvəllüdlü Yolçuyev Vasif Asif oğlu müxtəlif  bədən xəsarətləri ilə xəstəxanaya yerləşdirilib.

Ona dərhal tibbi yardım göstərilib, vəziyyətinin kafi olduğu bildirilir. V.Yolçiyev şəhərdə olan çay evlərinin birində tanıdığı şəxs tərəfindən döyüldüyünü deyib.

 Faktla bağlı hüquq mühafizə orqanları tərəfindən araşdırma aparılır.