Bakı sakini naməlum şəxslərin hücumuna məruz qaldı
Ötən gün paytaxt sakini 3-4 nəfərin hücumuna məruz qalıb.
Oxu.Az-ın məlumatına görə, hadisə gecə saatlarında paytaxtın Xətai rayonu, Sarayeva küçəsi 13 ünvanında baş verib.
Belə ki, 2002-ci il təvəllüdlü Cavad Mamed oğlu Hüseynov 3-4 nəfər naməlum şəxsin hücumuna məruz qalıb. Naməlum şəxslər onun qarşısını kəsərək arxa cibində olan “Xiaomi” markalı mobil telefonu götürərək qaçıblar.
Hadisə ilə bağlı hüquq-mühafizə orqanlarına şikayət edilib.
Faktla bağlı araşdırma aparılır.