Movqe.Az Fövqəladə Hallar Nazirliyinin rəsmi saytına istinadən bildirir ki, Dövlət Sularda Xilasetmə Xidmətinə daxil olmuş məlumata əsasən, Bakı şəhəri, Xəzər rayonu ərazisində 1 nəfər dənizdə (xilasetmə məntəqəsindən 150 m məsafədə nəzarət olunan ərazidə) batmaq təhlükəsi ilə üzləşib. Həmin şəxs Fövqəladə Hallar Nazirliyinin dalğıc-xilasediciləri tərəfindən xilas edilib. Əməliyyat saat 14:40-da başa çatıb.