Movqe.az xəbər verir ki, İndoneziyada yaşayan qəbilələr ox və mizraqları ilə bir-birilə döyüşüb. Papua bölgəsində reallaşan bu hadisənin əsası hələ 6 iyunda "Kampung Harapan" qəbiləsi liderinin "Kampung Amole" qəbiləsi üzvüylə eyni qəzada həlak olması ilə qoyulub.

Hadisənin yalnız bir qəzadan ibarət olmadığını irəli sürən qəbilə liderləri digər qəbiləyə müharibə elan edib. 500-ə yaxın döyüşçü ox və mizraqları ilə meydana axın edib. Qarşıdurmada 2 nəfər həlak olub. Bir nəfərin vəziyyəti isə ağırdır. Papua polisi ölən iki nəfərin Kampung Harapan qəbiləsi üzvü olduğunu, ox yaraları səbəbindən həyatını itirdiyini açıqlayıb. Lakin dəqiq ölüm səbəbləri keçiriləcək Məhkəmə Tibb Ekspertizasının rəyi nəticəsində müəyyən olacaq.