Korrupsiyaya Qarşı Mübarizə İdarəsi korrupsiya faktı aşkar edilən dövlət qurumlarının adlarını açıqlayıb
APA-nın məlumatına görə, idarənin rəisi
Kamran Əliyev jurnalistlərə açıqlamasında bildirib ki, hesabat
dövründə Korrupsiyaya Qarşı Mübarizə İdarəsinə bütün sahələr üzrə
şikayətlər daxil olub. Daxil olan şikayətlər əsasında əhalinin
sosial müdafiəsi sahəsi üzrə 20 şəxs barəsində 5 cinayət işi,
təhsil sahəsində 7, təbiətin mühafizəsi sahəsində 5, yerli icra
hakimiyyətləri ilə bağlı 5, Əmlak Məsələləri üzrə Dövlət Komitəsi
ilə bağlı 2, bələdiyyələrlə bağlı 3, səhiyyə sahəsi üzrə 2, mənzil
kommunal təsərrüfatı ilə bağlı 1, mədəniyyət və turizm sahəsi üzrə
5, rabitə sahəsi üzrə 1, nəqliyyat sahəsində 1, kənd təsərrüfatı
sahəsi üzrə 5, banklarla bağlı 4, iqtisadi fəaliyyət sahəsi üzrə 3,
polislə bağlı 3, özəl sahə ilə bağlı 17, prokurorluqla bağlı 2
cinayət işi istintaq edilərək baxılması üçün məhkəmələrə
göndərilib.
K. Əliyev bir daha bəyan edib ki, respublikada korrupsiyaya qarşı mübarizə kampaniya xarakteri daşımır: "Korrupsiyaya qarşı mübarizə sahəsində dövlət səviyyəsində ciddi işlər görülür. Hansı vəzifədə və harada işləməyindən asılı olmayaraq korrupsiya cinayəti törədən şəxslərə qarşı tədbirlər davam etdiriləcək".
K. Əliyev bir daha bəyan edib ki, respublikada korrupsiyaya qarşı mübarizə kampaniya xarakteri daşımır: "Korrupsiyaya qarşı mübarizə sahəsində dövlət səviyyəsində ciddi işlər görülür. Hansı vəzifədə və harada işləməyindən asılı olmayaraq korrupsiya cinayəti törədən şəxslərə qarşı tədbirlər davam etdiriləcək".