Sentyabrın 9-da Yerevan qarnizonunun hərbi hissələrinin birində intihar hadisəsi baş verib.

ANN.Az-ın "Armenia Today"ə istinadən verdiyi xəbərə görə, gecə yerli vaxtla 02:15-də həqiqi hərbi xidmətdə olan qulluqçu Arman Sarkisyanın meyiti aşkarlanıb.

Ermənistan Müdafiə Nazirliyinin verdiyi xəbərə görə, hadisə yerinə operativ qrup göndərilib, hadisə yeri öyrənilib, ekspertiza və başqa istintaq addımları atılıb. İlkin nəticəyə əsasən, Sarksiyan intihar edib.

Fakt üzrə intihara çatdırma maddəsi ilə cinayət işi açılıb, istintaq aparılır.