Orta məktəbdə bıçaqlanma hadisəsi baş verib
Movqe.Az bildirir ki, Çinin Henan
əyalətində bir adam ibtidai məktəb şagirdlərinə bıçaqla hücum edib.
Hücumda 2-si ağır olmaqla 22 uşaq yaralanıb. Şinhua agentliyinin
xəbərinə görə, səhər saatlarında bıçaqlı bir adam Şinyang
şəhərindəki bir orta məktəbin qapısına gələrək şagirdlərə hücum
edib. 36 yaşlı bir kəndli olduğu açıqlanan adamın 22 uşaq və bir
yetkini yaraladığı qeyd edilib. Təcavüzkar, hadisədən sonra dərhal
nəzarətə alınıb. Yaralanan uşaqlardan 2-nin vəziyyətinin ciddi
olduğu bildirilib.
Xatırladaq ki, Çində baş verən hücumlardan bəziləri işsiz qalan şəxslər tərəfindən törədilib. 2010-cu ildə Çinin şərqində bir məktəbdə baş verən hadisədə bıçaqlı bir adam 28 uşaq, 2 müəllim və bir mühafizəçini yaralamışdı.
Məktəblərə istiqamətli hücumlar rəsmilərə ölkənin hər tərəfində məktəblərə təhlükəsizlik qüvvələrini yerləşdirməyə sövq edib.