Günahsız olduqları 18 il sonra aydın oldu
Movqe.Az bildirir ki, ABŞ-da cinayət
günahından məhkum olan 3 adamın 18 il sonra günahsız olduqları
aydın olub. 18 illik haqsız əsarətdən sonra gələn azadlıq xəbəri
onları sevindirib. Gecikən ədalət 18 il sonra təsəlli edib.
Günahsız olduqları aydın olan 3 adamı dəmir barmaqlıqların
xaricində ailələri gözləyib. Sevinc qışqırıqları Nyu York
küçələrində eşidilib,həssas anlar yaşanıb. Maykl Kosme, Devon Ayers
və Karlos Perez, 1995-ci ildə Nyu Yorkda bir taksi şoferinin və bir
yük firmasının sürücülərini öldürməklə günahlandırılıblar və 18 il
həbsdə yatıblar. Ancaq, illər sonra iki şəbəkə üzvünün etirafı
nəticəsində məhbusların günahsız olduqları aydın olub və
sərbəstliyə çıxıblar. İtən illərin geri gətirilə bilməyəcəyini
söyləyən Karlos Perez yaşadıqları çətinlikləri izah edib. Perez,
"İşləmədiyi bir cinayətdən bu qədər uzun müddət həbsdə qalmaq bir
adam üçün heç asan deyil. Bu çox can ağrıdan bir şeydir." deyib.
Ailələrinə və uşaqlarına qovuşan məhkumlar xoşbəxtliklərini və
gələcəyə dair planlarını açıqlayıblar. Eyni səbəblə günahlandırılan
digər iki adam da oktyabr ayında sərbəst buraxılmışdılar.