Əlaqə Arxiv
news Image
2018.06.12
22:34
| A A A
Pantomima Teatrında yeni tamaşalar hazırlanır

 Pantomima Teatrı bir neçə tələbə-aktyoru işə götürüb.

Movqe.az xəbər verir ki, bu barədə “Report”a Azərbaycan Dövlət Pantomima Teatrının direktoru Elman Rəfiyev məlumat verib. 

Onun sözlərinə görə, teatrın baş rejissoru Bəxtiyar Xanızadə Azərbaycan Dövlət Mədəniyyət və İncəsənət Universitetində təhsil alan gənclərin qabiliyyətini yoxlayaraq onlar arasında seçim edib: “Onlardan 2-3 nəfəri teatrda yarımştat olaraq işə başladılar. Ümid edirəm ki, təhsillərini bitirdikdən sonra tam ştatlı işçi olaraq teatrımızda işlərini davam etdirəcəklər”.

E.Rəfiyev teatrda baş verən yeniliklərdən də danışıb: "Teatrda gecə-gündüz iş gedir. Hazırda yeni tamaşalar hazırlanır. Bütün teatrlar kimi iyulun 20-dək fəaliyyətimiz davam edəcək. Bizim tez-tez xarici tamaşaçılarımız olur. Son zamanlar Fransadan gələn tamaşaçılarımızın sayı artıb. Ümumiyyətlə, daha çox İngiltərə, Yaponiya, Rusiya və ABŞ-dan gələn tamaşaçılarımız olur”.

Sizin Reklam Yeriniz