Əlaqə Arxiv
news Image
2021.04.30
20:30
| A A A
Beynəlxalq Türk Mədəniyyəti və İrsi Fondu ilə Litva arasında əməkdaşlıq əlaqələrinin genişləndirilməsi müzakirə edilib

Beynəlxalq Türk Mədəniyyəti və İrsi Fondunun prezidenti Günay Əfəndiyeva ölkəmizdə işgüzar səfərdə olan Litva Respublikasının xarici işlər naziri Qabrielius Landsberqis ilə görüşüb.

Movqe.az xəbər verir ki, Günay Əfəndiyeva görüşün əhəmiyyətindən bəhs edərək, nazirin Azərbaycanın tarixi Zəfər qazandığı günlərdə baş tutan səfərinin xüsusi önəm daşıdığını qeyd edib. O, Litvada yaşayan türk milli azlıqların - tatar və karaimlərin türk dünyasının ayrılmaz parçası olduqlarını vurğulayıb. Günay Əfəndiyeva eyni zamanda 2021-ci ilin “Litva tatarlarının tarixi və mədəniyyəti ili” elan edilməsi məsələsinə toxunaraq, bunun Litvanın öz ərazisində yaşayan azsaylı xalqlara olan münasibətinin təzahürü olduğunu bildirib.

Litvanın xarici işlər naziri Qabrielius Landsberqis Fondda olmasından böyük məmnunluq hissi keçirdiyini qeyd edərək, təşkilat ilə Litva arasındakı əməkdaşlıq əlaqələrini yüksək qiymətləndirib. Nazir Azərbaycana səfərinin Beynəlxalq Türk Mədəniyyəti və İrsi Fondundan başlanmasının təsadüf olmadığını vurğulayıb. Fond ilə Litva arasında olan tərəfdaşlıq münasibətlərinin daha da gücləndirilməsi istiqamətində gələcəkdə birgə layihələrin reallaşdırılacağında bəhs edən nazir, Günay Əfəndiyevanı Litvaya səfərə dəvət edib.

Görüşdə tərəflər təşkilat ilə Litva arasında olan əməkdaşlıq əlaqələrinin inkişaf etdirilməsini və cari ilin fevral ayında Fond ilə Litvanın Azərbaycan və Türkmənistandakı səfirlikləri arasında imzalanan Əməkdaşlıq Memorandumunun maddələri əsasında gələcək planları müzakirə ediblər.

 

Sizin Reklam Yeriniz