"Eurovison" mahnı müsabiqəsi ərəfəsində Heydər Əliyev Sarayında biri-birindən maraqlı konsert proqramları keçiriləcək. Bu barədə Movqe.Az-a Sarayının mətbuat katibi Anar Fərəczadə məlumat verib. A.Fərəczadə bildirib ki, "Eurovision" mahnı müsabiqəsi ərəfəsində Heydər Əliyev Sarayında bir çox konsert proqramları və tədbirlər keçirilir: "Azərbaycanımızın mədəniyyət və incəsənətinin tanıdılması baxımından böyük əhəmiyyət kəsb edən "Eurovision" mahnı müsabiqəsi ərəfəsində Heydər Əliyev Sarayında bir çox konsert və tədbirlər keçirilib və keçirilməkdə davam edir. Ölkəmizə gələn qonaqlar qarşıdakı günlərdə Növrəsli qardaşlarının iştirakı ilə "Növrəsli-4", aşıq konsertinin və estrada müğənnilərimizin iştirakı ilə "Vətənimdir Azərbaycan" bayram konsertlərində tamaşa eləyə bilərlər".

Fuad Mədətov

Movqe.Az