"Məşhurlar da məqalə yazmışlar" rubrikasında Azərbaycan Respublikasının əməkdar artisti, əslən Masallı rayonunun Bədəlan kəndindən olan Baloğlan Əşrəfovdur.
30 APREL 1970-cı il tarixində Masallı rayonunda çıxan "Çağırış" qəzetində, 4-cü səhifədə yazır:
"MƏKTƏB XƏBƏRLƏRİ.
Bədəlan kənd orta məktəbinin pioner və komsomolçuları əlamətdar bayramı əlidolu qarşılayırlar. Onlar dünənədək səkkiz ton metal qırıntısı toplamış və məktəbin həyətində 600 ədəd ağac əkmişlər. Bu işlərin görülməsində məktəbin onuncu və səkkizinci sinif şagirdləri fəallıq göstərmişlər.
Baloğlan Əşrəfov, Bədəlan kənd orta məktəbinin laborantı."
Qeyd edək ki,
Baloğlan Xanoğlan oğlu Əşrəfov 12 aprel 1951 - ci ildə doğulmuşdur, Azərbaycan müğənnisi, Azərbaycanın əməkdar artistidir( 2007 ).
1982 -ci ildə "İstedadlar axtarırıq" konsert müsabiqəsinin laureatı adına layiq görülmüşdür.
1968 -ci ildə həmin kənddə, Bədəlan kənd orta məktəbi bitirməklə yanaşı, rayonun 7 illik musiqi məktəbinin nəzdində fəaliyyət göstərən 5 illik tar kursunu da bitirmişdir.
1978 -ci ildə ADU-nun filologiya fakültəsini qurtarıb, 5 il kənddə müəllim işləmişdir. 1971 -ci ildə Azərbaycan radiosunun keçirdiyi "Turac təranələri" radio olimpiadasının qalibi olub.
1974 -cü ildə keçirilən "Zəhmətkeşlərin və gənclərin ümumittifaq festivalı"nda qalib olaraq diplomu ona şəxsən Şövkət Ələkbərova təqdim edib.
İslam Rzayevin ansamblında çalışarkən bütün Azərbaycanın rayon və kəndlərini qarış-qarış gəzib əməkçilər qarşısında çıxışlar etmişdir.
1989 -cu ildə yaratdığı "Şəhriyar" (AzKonsertin nəzdində) ansamblı ilə Bakın ın bütün böyük konsert salonlarında konsertlər verib.
Dünyanın bir sıra ölkələrində - Türkiyə , İraq , Almaniya və MDB -nin bütün böyük şəhərlərində konsert proqramları ilə çıxış edib. İraqda Babilistan festivalında Azərbaycanı tərənnüm edib.
"Səsi quran sədasıdır" kitabında bütün böyük sənətkarlar öz müsbət rəylərini vermişlər. "Yuxuma gəl", "Anam mənim", "Günayım", "Tanrıdan diləyim ol" və s. kompakt audio, video diskləri musiqisevərlərin ixtiyarına verilib.
Bəli, bu, masalılı məşhurun ya birinci, ya da ki, sonuncu məqaləsidir, bilmirik.Bircə onu bilirik ki, bir vaxtlar "Baloğlan Əşrəfov, Bədəlan kənd orta məktəbinin laborantı." yazılmıış, saralıb - solmuş həmin qəzet səhifəsi bir dənədir, amma, onun haqqinda yüzlərlə məqalələr çap edilmişdir, indi də edilir...