"Nabat" filmi “Oskar” mükafatına təqdim olunub
Movqe.az APA-ya istinadən xəbər verir ki, rejissor Elçin
Musaoğlunun "Nabat" filmi "Oskar" mükafatına təqdim olunub. Cəfər
Cabbarlı adına "Azərbaycanfilm" Kinostudiyasının məlumatına görə,
film indiyə qədər bir neçə nüfuzlu beynəlxalq film festivallarına
dəvət alıb. Filmin quruluşçu rejissoru Elçin Musaoğlu, ssenari
müəllifləri Elxan Nəbiyev və Elçin Musaoğlu, quruluşçu operatoru
Əbdülrəhim Bəşərat, quruluşçu rəssamı Şahin Həsənli, prodüseri
Müşfiq Hətəmovdur. Ekran əsərində baş rolları Fatimə Motamed Arya,
Vidadi Əliyev, Sabir Məmmədov, Fərhad İsrafilov və digərləri
oynayıblar.