Festival Türkiyənin Safranbolu şəhərində keçiriləcək

Oktyabrın 9-dən 11-dək Türkiyənin Safranbolu şəhərində 16-cı "Altın Safran" Beynəlxalq Sənədli Filmlər Festivalı keçiriləcək.

Movqe.az xəbər verir ki, bu barədə Mədəniyyət və Turizm Nazirliyi məlumat yayıb.

Filmlərin peşəkar və həvəskar olmaqla iki kateqoriyada yarışdığı festivalda Azərbaycanı rejissor Adil Azay dövlət sifarişi ilə "Yaddaş" studiyasında çəkdiyi "Xəlvətdə qalmış müdrik" və "Azanfilm" studiyasına çəkdiyi "Vulkanın nəfəsi" sənədli filmləri ilə təmsil edəcək.

Qeyd edək ki, "Xəlvətdə qalmış müdrik" filmi görkəmli sufi filosofu, "Xəlvətiyə" təriqətinin yaradıcısı Seyid Yəhya Bakuvidən, "Vulkanın nəfəsi" filmi isə Azərbaycanda geniş yayılmış palçıq vulkanlarından bəhs edir.