Movqe.az xəbər verir ki, məşhur ulduzlar bu dəfə Almaniyada bir araya gəliblər. Almaniyanın Düseldorf şəhərində növbəti 64-cü "Bembi" televiziya mükafatı mərasimi gerçəkləşib. Gecə məşhurların möhtəşəm şouları ilə yadda qalıb. İlk olaraq tanınmışlar qırmızı xalı üzərində tamaşaçıları salamlayıblar. Bu dəfə mərasimə pop ulduz Celine Dion, gənclərin sevimli qrupu One Direction, məşhur aktrisa Salma Hayek və digər qonaqlar təşrif buyurub. Gecədə One Direction qrupunun fanatları daha fəal olub. Sonra Düsseldorfun məşhur teatrlarının birində reallaşan mərasimdə ilk olaraq səhnəyə milyonların sevimlisi Celin Dion çıxıb. "Ən yaxşı beynəlxalq ifaçı" nominasiyasında Bembi mükafatı qazanan pop ulduz hər kəsə təşəkkürünü bildirib. O musiqi payını da əksik etməyib. Hər zaman olduğu kimi bu dəfə də Celine Dion səhnədə möhtəşəm şou nümayiş etdirib. Gənclərin sevimlisi Britaniyalı qrup "One direction" isə "Ən yaxşı beynəlxalq pop ifaçı" adını qazanıb. Oğlanlardan ibarət qrup mərasimdə onlara şöhrət qazandıran "Vhat makes you beautiful" mahnısını canlı olaraq fanatlarının ixtiyarına verib. Bembinin "Ən yaxşı beynəlxalq aktrisa" nominasiyasının qalibi isə bu dəfə Salma Hayekin payına düşüb. Çox sevindiyini bildirən meksikalı aktrisa minnətdarlığını ifadə edib. Mərasimdə bundan əlavə Almaniyanın məşhur simaları da müxtəlif nominasiyalar üzrə təltif olunublar. Qeyd edək ki, 1948-ci ildən keçirilən "Bembi" televiziya mükafatı yalnız Almaniya deyil, Avropanın ən nüfüzlü mərasimlərindən hesab olunur.