Azərbaycan prezidenti İlham Əliyev mayın 7-də Yunanıstanın keçmiş xarici işlər naziri, Yunanıstan parlamentinin üzvü xanım Teodora Bakoyanisi qəbul edib.

Mövqe.az-ın məlumatına görə, görüşdə Bakıda keçirilən Birinci Cənubi Qafqaz Forumunun siyasi, iqtisadi, humanitar və digər sahələrdə əməkdaşlığın genişləndirilməsi ilə bağlı məsələlərin müzakirəsi üçün yaxşı imkan yaratdığı vurğulanıb, Azərbaycanla Yunanıstan arasında əlaqələrin müxtəlif sahələrdə inkişafından məmnunluq ifadə olunub, ölkələrimizin beynəlxalq təşkilatlar çərçivəsində, o cümlədən Avropa Şurasında uğurlu əməkdaşlığının önəmi qeyd edilib.