Türkiyənin məşhur müğənnisi Dəniz Səki azadlığa buraxılıb.

Movqe.az teleqraf.com-a istinadən xəbər verir ki, bununla bağlı Türkiyənin "Hüriyyət" qəzeti məlumat yayıb.

2014-ci ildən Bakırköy qadın həbsxanasında cəza çəkən Dəniz Səkini sevənləri və sənət dostları həbsxananın qarşısında qarşılayıb.

Səhər saatlarında həbsxanaya gələn Deniz Sekinin nişanlısı Faruk Salman və qardaşı Sərkan Səki məşhur sənətçinin əşyalarını avtomobilə yerləşdirib. Deniz Seki ilə ayrıldıqları iddia edilən nişanlısı ən xoşbəxt günündə onun yanında olub.

Həbsdən çıxan Səki ona verilən iki göyərçini göz yaşları içində azadlığa buraxıb.

2.5 ilə yaxın müddətdir həbsxanada olan Deniz Seki narkotik ticarəti ittihamı ilə həbs olunmuşdu.