Mərhum "pop kral" Maykl Ceksonun 16 yaşlı oğlu Prins Maykl Cozef Cekson Entertainment Tonight telekanalında müxbir qismində debüt edib.

Prins Cekson jurnalistika kursları keçib və ilk müsahibəsi 2013- cü ildə amerikalı yazıçı Laymen Frenk Baumanın məşhur nağılı " Oz Ölkəsinin Ecazkar Sehrbazı"-na çəkilmiş animasiya filminin mövzusu haqqında olub.

Prins Maykl Ceksonun böyük oğludur. Lakin o, atasının xatirəsinə həsr olunmuş tədbirlərdən başqa ictimaiyyətə nadir hallarda çıxır. Gənc Ceksona telejurnalistika dərslərini tədris etmiş telekanalın nümayəndəsi Bruk Anderson onun yaxşı "prodüser, rejissor, ssenarist və aktyor " olmaq istədiyini deyib. Gəncin özü isə etiraf edib ki, o, atası kimi nə oxuya, nə də rəqs edə bilər. Ailənin vəkili bildirib ki, baxmayaraq ki, Prins Cekson həddi-buluğa çatanda atasından qalan mirasın bir hissəsi onun olacaq, o, öz yaşayışını özü təmin etmək istəyir. Bu isə, heç də az məbləğ deyil.