Şiş qorxusuyla xəstəxanada yatan avstraliyalı məşhur "punk-rok" müğənnisi Cey Uallinin beynindən donuz tenyası çıxarılıb. Movqe.Az-ın məlumatına görə, Avstraliyanın məşhur punk-rok qrupu "Frenzar Rhomb"un solisti olan Cey Ualli, keçən ay baş gicəllənmə və göz qaralmaları yaşamağa başlayıb. Bir müddət sonra əlində tutduğu pulu belə saya bilməz hala gələn müğənni, beynində şiş narahatlığıyla dostları tərəfindən xəstəxanaya aparılıb. "Daily Mail"in verdiyi xəbərə görə, edilən müayinələrdə beynində kistaya bənzər bir şiş təsbit edilən Ualli keçən həftə əməliyyata alınıb​​. Saatlar sürən əməliyyatın sonunda avstraliyalı müğənninin beynindən yalnız donuz ətindən əmələ gələn donuz tenyası çıxarılıb.