Ötən şənbə Brilliant Dadaşova Bakıda yeni istifadəyə verilmiş ticarət və əyləncə mərkəzində konsert proqramı ilə çıxış edib. Mövqe.az-ın məlumatına görə, müğənni repertuarındakı ritmik mahnılarını mərkəzə gələnlər üçün ifa edib. Tanınmış şoumen, bəstəçi və teleaparıcı Murad Arifin aparıcı ilə baş tutan konsertin iştirakçıları Brilliant xanımın ifasında gözəl mahnılar dinləyiblər. Fəal iştirakçılar isə Muraddan hədiyyələr alıblar.

Brilliant xanım tamaşaçılarla ünsiyyət yaratmaqla yanaşı səhnədən mərkəzdəki mağazalara da nəzər salıb. O, telefon mağazasındakı satıcıya son model telefonu üçün çexol axtardığını söyləyib. Onun dediklərindən məlum olub ki, qırmızı rəngdə, üzərində "Ferrari" şəkli olan çexolu çox bəyənir, amma neçə vaxtdır Türkiyədə bu çexoldan tapa bilmir: "Artıq köhnə çexol yırtılıb. Tanışlarım mənə deyir ki, ay Brilliant, bilirik belə məqamlar sənin üçün əhəmiyyətsizdir, amma yenə də belə köhnə çexolu niyə istifadə edirsən? Mən isə həmişə deyirəm ki, digər çexolları işlətmək mənə münasib deyil. Bu markanı çox axtarırdım, çox şadam ki, burada tapdım".

Satıcı isə çexolu Brilliant xanıma satmayıb, hədiyyə edib.