Cinsi zorakılıq müharibə əlamətidir
Movqe.az xəbər verir ki, BMT-nin
xoşməramlı səfiri olaraq dünyanın müxtəlif bölgələrindəki qaçqın
problemləriylə maraqlanan 37 yaşlı ABŞ-lı aktrisa Ancelina Coli
dünən Londonda keçirilən G-8( Böyük səkkizlik) Xarici İşlər
Nazirləri toplantısının fəxri qonağı olub. Mətbuat
konfransında klassik tərzi və ağarmış saçlarıyla diqqət çəkən Coli
"Qadın və uşaqlar, döyüşlərdə cinsi zorakılığa məruz qalır. Bunun
qarşısı alına bilər. Bosniyadakı təcavüz qurbanları dünyanın onları
vecinə almadığını düşünür, amma bu gün onların səsini eşitdiyinizi
düşünürəm"deyib. Yığıncaqda böhran bölgələrində yaşanan təcavüz
qurbanlarına yardım üçün 35.5 milyon dollarlıq yeni fond
yaradılıb. Böhran bölgələrində təcavüz, Cenevrə Konvensiyasının
pozulması halı kimi sayılacaq və ölkələrə təqsirkarların tutularaq
ədalətə təslim edilməsi zəruriliyini gətirəcək.