Əlaqə Arxiv
news Image
2013.04.18
18:01
| A A A
Amaliya Pənahova 20 yaş cavanlaşıb

Azərbaycanın xalq artisti Amaliya Pənahova özünü cavanlaşdırıb. Mövqe.az-ın məlumatına görə, Press24.az saytına Azərbaycanın xalq artisti Amaliya Pənahovanın imicini dəyişməsi, xeyli arıqlaması və 20 yaş cavanlaşması ilə bağlı məlumat daxil olub. Hətta bunları sübut edən fotolar da əldə edilib. Həmin şəkillərdə Amaliya xanımın həqiqətən dəyişdiyi hiss olunur.


Xalq artistinin köməkçisi Press24.az-a Amaliya Pənahovanın sadəcə pəhriz saxladığını və bununla əlaqədar bir neçə kq arıqladığını söyləyib. Aktrisanın indiki fotolarını əvvəlkilərlə müqayisə etsək, bu dəyişikliyin xalq artistinə plastik əməliyyatsız başa gəlmədiyini söyləyə bilərik.












Xatırladaq ki, Amaliya Pənahova 1945-ci ildə Gəncə şəhərində anadan olub. 1964-cü ildən bu günədək teatr və kino sahəsində beş yüzdən artıq obraz yaradıb. Onlardan Tomris, Natəvan, Medeya, Burla Xatun, Məhsəti, Larisa, Ofeliya, Linza kimi rolları qeyd etmək olar.


Prezident təqaüdçüsüdür. 2000-2005-ci illərdə Milli Məclisin deputatı, sosial-siyasət daimi komissiyasının üzvü, MDB Parlamentlərarası Mədəniyyət, İnformasiya, Turizm, İdman daimi Komissiyasının sədri, İtaliya-Azərbaycan Parlamentlərin işçi qrupunun sədri olub. Azərbaycan milli teatr sənətinin inkişafında xidmətlərinə görə Amaliya Əliş qızı Pənahova Azərbaycan Respublikasının Prezidenti möhtərəm Heydər Əliyev cənablarının 1995- ci il 8 iyul tarixli 356 nömrəli fərmanı ilə yüksək mükafatla- "Şöhrət" ordeni ilə təltif edilib.


Həyat yoldaşı diktor Yusif Muxtarov 2 il bundan əvvəl dünyasını dəyişib. 


Amaliya Pənahova həmçinin sənətşünaslıq elmləri doktoru adını alıb. Ötən il dekabrın 28-də "Obrazın yaranma prosesində aktyor yaradıcılığında ikinci planın təcəssüm vasitələri" mövzusunda doktorluq işini uğurla müdafiə edib. Qeyd edək ki, A.Pənahova on il əvvəl sənətşünaslıq elmlər namizədi adını alıb.















Sizin Reklam Yeriniz