Movqe.az xəbər verir ki, İngiltərədə, Lids Universitetində tibb təhsili alan 23 yaşlı Sarah Houstonun yağ yandırdığı iddia edilən DNP həblərindən həddindən artıq dozada aldığı üçün öldüyü təyin olunub. 2012-ci ilin sentyabrında ölü tapılan Houstonun illərdir depressiyada olduğu və yediklərini dərhal çıxarma xəstəliyi "blumia"ya tutulduğu aydın olub. Açılan istintaqda yarılmada Houston qanında həddindən artıq dozada DNP olduğu bildirilir. Hesabata görə DNP, depressiya dərmanları ilə qarışıb və ölümcül təsiri ortaya çıxıb. Qan təzyiqi həddindən artıq artan Houston infarktından dünyasını dəyişib. Yalnız İngiltərədə DNP-yə bağlı olaraq bu günə qədər 62 nəfərin öldüyü təsbit edilib.