Movqe.az xəbər verir ki, 28 yaşlı Real Madridli futbolçu Kristiano Ronaldonun dünyanın ən gözəl qadınlarından biri olaraq qəbul edilən 27 yaşındakı model sevgilisi İrina Şaykı yarı final matçından əvvəl Braziliyalı model Andressa Uraç ilə aldatdığı iddia edilib. Ronaldonun onunla danışmaq istədiyini, lakin "dünyanın ən cazibədar kişilərindən biri olaraq gördüyü" futbolçuya "yox" deyə bilmədiyini söyləyən Uraç, Ronaldoyla Real Madridin Borissia Dortmund komandasına qarşı 4-1 itirdiyi yarı final matçından 48 saat əvvəl birlikdə olduğunu söyləyib. Braziliyalı model "Ronaldo məni axtardı və internetdəki rəsimlərimdən çox təsirləndiyini söylədi. Yataqda inanılmaz idi. Bədəni bir Yunan tanrısı kimi idi " deyib. Ronaldo isə rəsmi "Twitter" hesabından bir şərh edərək xəbərə cavab verib. Ronaldo bu yalan xəbərlərin onun komandası üçün əhəmiyyətli olan oyundan əvvəl çıxaraq, oyuna təsir etmək məqsədi güddüyünü bildirib. Futbolçu şəxsi həyatına yönəlmiş belə xəbərlərin onu çox qəzəbləndirdiyini də əlavə edib. Ronaldo:"Həqiqətən 22 aprel tarixində "Hotel Villa Magna"daydım və Manu Sainza bir müsahibə verirdim. Bunu jurnalistin özü də təsdiq edə bilər. Bundan başqa hər şey yalandır "deyə qeyd edib.