O, Türkiyə və Azərbaycanın birgə layihəsi olan "Acıtan yürek" bədii filminin çəkilişləriylə bağlı seçim turuna münsif kimi qatılacaq.
Bu barədə layihənin təşkilatçısı Günel
Abdullayeva məlumat verib.
Bundan başqa, Türkiyənin tanınmış rejissoru Cansu Kırdar İrmakın
ekranlaşdıracağı "Acıtan yürek" filminin final seçim turlarında
Türkiyənin məşhur aktyoru Saruhan Hünel və "Muhteşem yüzyıl"
serialında Hürrəm Sultanı canlandıran aktrisa Meryem Üzerli də
iştirak edəcək. Adıçəkilən sənətçilərin Bakıya gəlişi qarşıdakı
günlərdə məlum olacaq.
Məlumat üçün bildirək ki, "Acıtan yürek" filminin çəkilişləri
Azərbaycanda Bakı və Qəbələdə, Türkiyədə isə İzmirdə
gerçəkləşdiriləcək.
Filmdə çəkilmək üçün seçim turları davam edir. Seçim turlarına
18-30 yaş arası gənclərlə (qeydiyyatın qiyməti 4 AZN dəyərindədir)
yanaşı, 3-14 yaş arası uşaqlar da (qeydiyyatın qiyməti 2 AZN
dəyərindədir) qatıla bilərlər. Bunun üçün qeyd olunan yaş həddinə
uyğun şəxslər (qadın və kişi) şəxsiyyət vəsiqəsinin surətiylə və 2
ədəd 3x4 ölçülü şəkillə müraciət edə bilərlər.
Qeyd edək ki, bu gündən etibarən Facebook sosial şəbəkəsində
"Acıtan yürek" bədii filminin rəsmi qrupu fəaliyyətə başlayıb.
