Xalq artisti Nazpəri Dostəliyeva oğlanlarından danışıb. 

Movqe.az-ın məlumatına görə, sənətçi ANS telekanalında yayımlanan "Benefist" verilişinə açıqlamasında övladları üçün həyatında çox şeyləri qurban verdiyini deyib:

"Qadın üçün həyatda yarana bilən bütün şanslar mənə verilib. Amma övladlarıma görə, onlardan imtina etmişəm. Çox şeyləri qurban verdim. Ona görədə indi oğlanlarım məndən utanmır. Onlar alnıaçıqdır, utanmırlar ki, Nazpəri kimi anaları var. Mən də fəxr edirəm ki, Əli, Əkbər kimi oğlum var. 

Digərlərinə də məsləhət görürəm ki, həyatda etdikləri pislikləri efirdə təmizləməyə çalışmasınlar. Kameranın arxasında necədirlərsə önündə də o cür olsunlar".