Teleaparıcı İdris Cəfərov son günlər "Space" telekanalının rəhbərliyi ilə aralarında baş verənlərlə bağlı açıqlama verib.
"Hələlik səbr edirəm. Mənim tam stajım əmək kitabçama yazılmasa
yeni faktlar söyləyəcəm. Noyabrın 11-ə qədər məcburi imzalar,
böhtanlar bitməsə, hədə-qorxulara son qoyulmasa yeni faktlar
açıqlayacam.
Əmək haqqlarının vaxtında verilməməsi, adı olub özü olmayan işçilər
və onların maaş kartları, Kəmalədən əvvəl Vaqif Mustafayevin üç
məşuqəsi, onlara alınan ev, torpaq, maşın siyahısı və
yerləşdirdiyim videoçarx aysberqin görünən hissəsidir."
Sənədlərinin saxtalaşdırılmasına etiraz edən aparıcı qarşı tərəfə
belə cavab verir. "13 milyon tamaşaçının gözü qarşısında işləyən
İdrisin "Space"dəki iş sənədləri saxtalaşdırılıb və məni müqaviləli
işçi kimi qeyd ediblər.
Xatırladım ki, müqaviləli işçidə müddətsiz vəsiqə olmur. Hələlik
səbr edirəm və səhvlərini düzəltməyə də vaxt verirəm."
Azərbaycanda video rolikin "bomba" kimi partlamasından İdris uzaqda
olsa da xəbərdar imiş.
"Çarx youtube-da yerləşdirildiyi gün Mustafayev utandığından
otağından çıxmayıb. Elə yaşamaq lazımdır ki, sonra utanmayasan.
"Space"dən mənə cavab verən adı bəlli olmayan rəsmi kimdir? Nədən
və ya kimdən qorxur? Adını desəydi bilərdik qadındır, yoxsa kişi?
Kimdi axı o? O ki qaldı yaxşılıqlara... o heç öz övladına yaxşılıq
etməyib. Sadəcə öz xanımlarına ev, maşın alır. Onu yaxşılığı mənə
heç gərək də deyildi.
Sadəcə kişi yalan danışmaz. Mənim atamın yasına da gəlməyib,
başsağlığı da verməyib. Mən Polşada olanda onun başkəsənləri mən
yaşadığım ünvana gəlib, telefonuma zəng vurublar. Tapmayanda xəbər
veriblər ki, İdris yoxdur. Deyib yoxdur, atasını gətirin! Deyiblər
ki, atası rəhmətə gedib. Bax belə...
Ötən gün də mənim yaydığım videoçarxı vəkilinə göstərərək sual
verib ki, "Necə məhkəməyə verək?" Deyib "heç cürə". Onu da bilin
ki, mənim video görüntüm yüklənməmişdən öncə öz vəkilim tərəfindən
təsdiqlənib."
Bütün bunlardan sonra İrdis Cəfərov arxasında kimin durduğunu da
açıqlayıb.
"O ki qaldı mənim arxamda duran qüvvəyə, bəli, mənim arxamda mənim
tamaşaçılarım var. Minnətdaram hər birinizə.
Youtube kanalındakı videoya da bir günə 30 000, 2 günə 40 000 baxış
olubsa, budur böyük qüvvə!
Bu günlərdə xanım Kəmalə Xəlilovanın göstərişiylə işə
götürülənlərin adları və maaş cədvəlini təqdim edəcəm.
Misal olaraq qeyd edim ki, proqram şöbəsinin rəhbəri 14 il
"Space"də çalışmağına baxmayaraq, öz müavini, 2-3 aydı çalışan
Rahib bəydən 3 dəfə az maaş alır.
Təqdim edəcəyim siyahıda telekanala gəldiyi gündən sınaq müddəti
keçmədən yüksək maaşla işləyən 20-ə yaxın əməkdaş var."