Əlaqə Arxiv
news Image
2013.11.04
13:11
| A A A
Tanınmış reper:"Yetim uşaqdır deyə, kim gücünü göstərmək istəyir gəlir qapaz vurub, gedir"

Hüseyn Dərya rəqib reperlərin sənətdən getməsinə sevinib. Mövqe.az-ın muzz tv-yə istinadən verdiyi məlumata görə, repçilərin azalmasının ona xeyri olacağını deyən repçi bu aləmdə inqilab etməyə hazırlaşır: "Nə qədər reperlərin sayı azalsa, deməli repdə mən tək qalacam və rahat inqilablar edə biləcəm". Deyəcəyi sözlərdən heç vaxt çəkinməyən Dərya, yenə iti kəlmələri ilə yerli rejissorlara hücum çəkib. Dərya sözlərinə görə, rejissorların işi onu qane etmir: "Azərbaycanda əlimiz heç yerə çatmadığı halda bunlar rejissordular. Elə bir klip çəkərəm ki, Quran haqqı, vallah bütün dünyanı şoka salaram". Reper xarici klipmeykerlərə üz tuta bilməməsinin səbəbini repdə pul olmamasında görüb. Vaxtı ilə həmkar sayılan bəzi repçilər Hüseyinin dediyinə görə repdə pul olmadığı üçün reqi musiqi üslubuna keçiblər. Hüseyn repin böyüyünün olmamasından da şikayətlənib: " Repin böyüyü yoxdur, yetim uşaqdır deyə, kim gücünü göstərmək istəyir gəlir qapaz vurub, gedir. Çünki çoxu "Grand cherokee" sürmək üçün bu sənətə gəlir. Biz isə sənət yazırıq". Daha sonra gələcək planlarından danışan Dərya albom təqdim edəcəyini və ardınca Heydər Əliyev Sarayında konsert verəcəyini deyib.

 

Sizin Reklam Yeriniz