Mövqe.az-ın məlumatına görə, Tolik Zorikin cavabını sosial şəbəkə vasitəsilə verib: "Zorik, təbrik edirəm. Amma mən heç vaxt İlhamə Quliyeva ilə işləməmişəm. Yalnız bəzi layihələrində kömək etmişəm. Qaldı ki, söz atmağa, onu heç sən yox ha, işlədiyin müğənni belə ağlından keçirdə bilməz. "Tak şto" adımı az hallandır aaz, sevinərəm".

Məlumat üçün bildirək ki, klipmeyker Zöhrab Ağayev bundan sonra İlhamə Qulyevanın  menecerliyini edəcək.

Bu haqda məlumatı Axsam.az-ın müxbiri ilə söhbətində Zorik özü deyib.

Onun sözlərinə görə, İ.Quliyevaya zəng edib və belə bir təklif irəli sürüb:

"Söz verdim ki, başqalarından fərqli olaraq ona sadiq olacağam. Birlikdə şam yeməyinə çıxdıq. Ətraflı söhbət etdik. İlhamə xanım da əlimi sıxıb dedi ki, sənin yerin mənim yanımdır. Onun kimi böyük bir sənətkarla işləyəcəyim üçün fəxr edirəm. İndiyədək birlikdə çalışdığıinsanlardan daha yaxşı olacağam. Bu ifadəmlə nə Tolikə, nə də Faiq Ələkbərliyə söz atmaq fikrim yoxdur. İlhamə Quliyevanın ünvanına xoşagəlməz söz deyən qarşısında məni görəcək".