"Modelyerim zəng edib dedi ki, ay qız bəsdi eyni paltarı hər yerə geyindin"
Müğənni kosmetik vasitələrə xərclədiyi məbləği açıqladı...
Makiyajı sevməyən müğənni Samira Allahverdiyeva bəzənməkdən
danışıb. Movqe.az-ın məlumatına görə, ifaçı "Lider" telekanalında
yayımlanan "Pərdə" verilişinə açıqlamasında makiyaj etməyi
sevmədiyini deyib: "Makiyajı sevmirəm. Makiyaj etmədən hər bir yerə
gedə bilərəm. Bu mənim üçün heç bir problem yaratmır. Heç bir
kompleksim də yoxdur. Ancaq xüsusi dəvətlərə makiyajlı formada
gedirəm".
Müğənni kosmetik vasitələrə ayrı-ayrılıqda nə qədər pul xərclədiyini də etriraf edib: "Məsələn, o gün bəzi kosmetik vasitələr aldım. Üz üçün tonal kremə 60 AZN, dodaq üçün bleskə 11 AZN, göz üstü tenə 15 AZN verib, aldım".
Samira Allahverdiyeva ən bahalı paltarının qiymətini də
açıqlayıb: "Ən bahalı paltarım 2 000 manata olub. O, paltarı da, o
qədər geydim ki, axırda modelyerim zəng edib dedi ki, ay qız bəsdi
eyni paltarı hər yerə geyindin. Yəni, 2 000 manatı o paltardan nəyi
var geyib, çıxdım".